რა საჭიროებები აქვთ ქალებს, ახალგაზრდებს და ეროვნულ უმცირესობებს ბორჯომში - SJMC-ის კვლევა
15:24 / 24.06.2022
რა გამოწვევები აქვთ ბორჯომში
მცხოვრებ ქალებს, ახალგაზრდებს და მაღალმთიან ზონაში მცხოვრებ
ეროვნული უმცირესობის წარმომადგენლებს,სამცხე-ჯავახეთის მედია ცენტრმა ჯერ
მათი საჭიროებები გამოიკვლია, შემდგომში კი შედეგები საზოგადოებას
გაუზიარა. შეხვედრას ესწრებოდნენ ამერიკის ეროვნულ დემოკრატიული
ინსტიტუტის NDI-ს წარმომადგენლები, ადგილობრივი თვითმმართველობის
პირველი პირები, საკრებულოს დეპუტატები, გენდერული საბჭოს, ქალთა
ოთახის, სამოქალაქო საზოგადოების, ბიზნესის, მედიის წარმომადგენლები
და ახალგაზრდები.
შეხვედრა გაიმართა “სამცხე-ჯავახეთის მედია ცენტრის“ SJMC-ს მიერ
პროექტის - ,,თანამონაწილეობითი ბიუჯეტირება მოქალაქეთა ინტერესების
დაცვისათვის“ ფარგლებში, რომელიც მხარდაჭერილია ამერიკის
ეროვნულ-დემოკრატიული ინსტიტუტის NDI-ის მიერ.