აქციის მესამე დღე - ქარხნის გაფიცული თანამშრომლების მოთხოვნები ბორჯომის თვითმმართველობასთან
15:01 / 02.06.2022
ასე შეძახილებით და საპროტესტო
გზავნილებით დღეს, ბორჯომის ქარხნის გაფიცულმა თანამშრომლებმა აქციით
ქალაქის ცენტრში გადმოინაცვლეს.
ისინი ბორჯომის მუნიციპალიტეტის შენობის მიმდებარედ შეიკრიბნენ,
ადგილობრივი ხელისუფლების მაღალჩინოსნებთან შესახვედრად.
სამართალდამცველებმა გაფიცულებს შენობის კართან მისვლაზე უარი
უთხრეს.
შეხვედრა ადგილობრივი თვითმმართველობის პირველ პირებსა და გაფიცულებს
შორის არ შედგა. პროფკავშირის თავმჯდომარემ გიორგი დიასამიძემ
მომავალი კვირიდან აქციები უკვე თბილისში დაანონსა.
გაფიცულების მოთხოვნები უცვლელია: უკანონოდ გათავისუფლებული 50
ადამიანის დაუყოვნებლივ სამსახურში აღდგენა, ძველ კონტრაქტებზე
დაბრუნება და ხელფასების 25%-ით მომატება, ასევე იძულებაში, ზეწოლასა
და შანტაჟში შემჩნეული ცალკეული ადამიანების სამსახურიდან
გათავისუფლება, ვადიანი ხელშეკრულებების უვადო ხელშეკრულებებზე
გადასვლა.