რატომ გაათავისუფლეს პედაგოგი ტაძრისის საჯარო სკოლიდან
ტაძრისის საჯარო სკოლიდან, დაწყებითი
კლასების პედაგოგი ირმა ღარიშვილი გაათავისუფლეს.
მას შრომითი ხელშეკრულება აღარ
გაუგრძელდა. ამას თავად პედაგოგი, სკოლის დირექტორი და
საგანმანათლებლო რესურს-ცენტრი შესაბამისი მიზეზებით ხსნიან. დღეს
დილიდან, დაწყებითი კლასების მოსწავლეების მშობლები სკოლის გარეთ
შეიკრიბნენ და პედაგოგის გათავისუფლების ფაქტი გააპროტესტეს. ამის
ნიშნად, მშობლების უმრავლესობამ შვილი სკოლაში, გაკვეთილზე
დასასწრებად არ მიიყვანა. ფაქტის გასაშუქებლად ისინი ტელეკომპანია
"ბორჯომს" დაუკავშირდნენ.
დაწყებითი კლასების ყოფილი პედაგოგი ირმა ღარიშვილი აცხადებს, რომ სკოლიდან უკანონოდ გაათავისუფლეს. აღნიშნულ სკოლაში ის 31 წლის განმავლობაში ასწავლიდა. ირკვევა, რომ ის არ იყო სერთიფიცირებული პედაგოგი.
"მე ვარ უკანონოდ გათავისუფლებული. ხელშეკრულება რომელიც აქამდე მქონდა დადებული, იქ შეთანხმებული ვიყავით, რომ იქამდე არ მოხდებოდა ჩემი გათავისუფლება, სანამ სერთიფიცირებული პედაგოგი არ ჩამანაცვლებდა. 17 იანვარს დამიდეს ხელშეკრულება. შემდეგ, ვიყავი შვებულებაში როცა ჩემს პოზიციაზე ვაკანსია გამოცხადდა და ასე მოხდა სხვა კადრის შერჩევა. მშობლებმაც გააპროტესტეს ჩემი გათავისუფლების საკითხი. დღეს მათ ბავშვები არ მოიყვანეს სკოლაში, ისინი ჩემს დაბრუნებას ითხოვენ. განცხადებით მშობლებმა საგანმანათლებლო რესურს-ცენტრსაც მიმართეს. მე კი ორშაბათიდან ვაპირებ მივმართო პროტესტის უკიდურეს ფორმას და ვიწყებ შიმშილს" - განაცხადა ტელეკომპანია "ბორჯომთან" საუბრისას ირმა ღარიშვილმა.
ტელეკომპანია "ბორჯომი" ამის შემდეგ სკოლის დირექციას და ბორჯომის საგანმანათლებლო რესურს-ცენტრსაც დაუკავშირდა. ტაძრისის საჯარო სკოლის დირექტორი ზაზა გოგოლაძე ჩვენთან საუბრისას აბობს, რომ განათლების რეფორმიდან გამომდინარე, ყველა სკოლაში პედაგოგები კომპლექტდებიან შემდეგი კვალიფიკაციის, უფროსი მასწავლებელი/მენტორი/წამყვანი მიხედვით.
"ირმა ღარიშვილი პრაქტიკოსი მასწავლებელი იყო და მას ამ ხნის განმავლობაში კანონი ავალდებულებდა კვალიფიკაციის ამაღლებას. მას ამისათვის ჰქონდა 10 წელი განსაზღვრული, თუმცა ამ დროში მას არ ჩაუბარებია სასერთიფიკაციო გამოცდა და არ უზრუნია კვალიფიკაციის ამაღლებაზე. ამიტომ, გამოცხადდა ვაკანსია და მის პოზიციაზე მიღებულია ადგილობრივი კადრი შორენა ბეშკენაძე, რომელიც სკოლაში მუშაობას იწყებს მაძიებელი მასწავლებლის სტატუსით. მას ექნება 2 წლიანი ვადა იმისათვის, რომ ჩააბაროს სასერთიფიკაციო გამოცდა. ასე არის კანონით განსაზღვრული. დაწყებით კლასში 21 მოსწავლიდან 4 ესწრება გაკვეთილს. თუ ასე გააგრძელეს მშობლებმა, მივმართავთ კანონით განსაზღვრულ შესაბამის ზომებს" - განაცხადა სკოლის დირექტორმა ზაზა გოგოლაძემ.
ანალოგიური პოზიცია აქვთ ბორჯომის საგანმანათლებლო რესურს ცენტრში. ცენტრის ხელმძღვანელის იზოლდა ლომიძის განცხადებით, ირმა ღარიშვილის გათავისუფლება არ მომხდარა უკანონოდ. მისი თქმით, ყოფილ პედაგოგს ხელშეკრულება შეუწყდა კანონის შესაბამისი ზომების მიხედვით. რესურს ცენტრის ხელმძღვანელის განმარტებით, სკოლაში ყველა პედაგოგს უნდა ჰქონდეს შესაბამისი სტატუსი, ეს იქნება უფროსი მასწავლებელი, მენტორი თუ წამყვანი და ამისათვის თითოეულ პედაგოგს ეძლევა შესაბამისი დრო გამოცდის ჩასაბარებლად და კვალიფიკაციის ასამაღლებლად. იზოლდა ლომიძის განცხადებით, თუ ირმა ღარიშვილი თვლის რომ მისი გათავისუფლება მოხდა უკანონოდ, შეუძლია მიმართოს სასამართლოს. ხოლო, მოსწავლეების შემთხვევაში, თუ მათ მშობლები არ დააბრუნებენ საკლასო ოთახებში, რესურს ცენტრი შემდგომი რეაგირებისთვის საქმეში ჩართავს სოციალურ სამსახურსაც.
დაწყებითი კლასების ყოფილი პედაგოგი ირმა ღარიშვილი აცხადებს, რომ სკოლიდან უკანონოდ გაათავისუფლეს. აღნიშნულ სკოლაში ის 31 წლის განმავლობაში ასწავლიდა. ირკვევა, რომ ის არ იყო სერთიფიცირებული პედაგოგი.
"მე ვარ უკანონოდ გათავისუფლებული. ხელშეკრულება რომელიც აქამდე მქონდა დადებული, იქ შეთანხმებული ვიყავით, რომ იქამდე არ მოხდებოდა ჩემი გათავისუფლება, სანამ სერთიფიცირებული პედაგოგი არ ჩამანაცვლებდა. 17 იანვარს დამიდეს ხელშეკრულება. შემდეგ, ვიყავი შვებულებაში როცა ჩემს პოზიციაზე ვაკანსია გამოცხადდა და ასე მოხდა სხვა კადრის შერჩევა. მშობლებმაც გააპროტესტეს ჩემი გათავისუფლების საკითხი. დღეს მათ ბავშვები არ მოიყვანეს სკოლაში, ისინი ჩემს დაბრუნებას ითხოვენ. განცხადებით მშობლებმა საგანმანათლებლო რესურს-ცენტრსაც მიმართეს. მე კი ორშაბათიდან ვაპირებ მივმართო პროტესტის უკიდურეს ფორმას და ვიწყებ შიმშილს" - განაცხადა ტელეკომპანია "ბორჯომთან" საუბრისას ირმა ღარიშვილმა.
ტელეკომპანია "ბორჯომი" ამის შემდეგ სკოლის დირექციას და ბორჯომის საგანმანათლებლო რესურს-ცენტრსაც დაუკავშირდა. ტაძრისის საჯარო სკოლის დირექტორი ზაზა გოგოლაძე ჩვენთან საუბრისას აბობს, რომ განათლების რეფორმიდან გამომდინარე, ყველა სკოლაში პედაგოგები კომპლექტდებიან შემდეგი კვალიფიკაციის, უფროსი მასწავლებელი/მენტორი/წამყვანი მიხედვით.
"ირმა ღარიშვილი პრაქტიკოსი მასწავლებელი იყო და მას ამ ხნის განმავლობაში კანონი ავალდებულებდა კვალიფიკაციის ამაღლებას. მას ამისათვის ჰქონდა 10 წელი განსაზღვრული, თუმცა ამ დროში მას არ ჩაუბარებია სასერთიფიკაციო გამოცდა და არ უზრუნია კვალიფიკაციის ამაღლებაზე. ამიტომ, გამოცხადდა ვაკანსია და მის პოზიციაზე მიღებულია ადგილობრივი კადრი შორენა ბეშკენაძე, რომელიც სკოლაში მუშაობას იწყებს მაძიებელი მასწავლებლის სტატუსით. მას ექნება 2 წლიანი ვადა იმისათვის, რომ ჩააბაროს სასერთიფიკაციო გამოცდა. ასე არის კანონით განსაზღვრული. დაწყებით კლასში 21 მოსწავლიდან 4 ესწრება გაკვეთილს. თუ ასე გააგრძელეს მშობლებმა, მივმართავთ კანონით განსაზღვრულ შესაბამის ზომებს" - განაცხადა სკოლის დირექტორმა ზაზა გოგოლაძემ.
ანალოგიური პოზიცია აქვთ ბორჯომის საგანმანათლებლო რესურს ცენტრში. ცენტრის ხელმძღვანელის იზოლდა ლომიძის განცხადებით, ირმა ღარიშვილის გათავისუფლება არ მომხდარა უკანონოდ. მისი თქმით, ყოფილ პედაგოგს ხელშეკრულება შეუწყდა კანონის შესაბამისი ზომების მიხედვით. რესურს ცენტრის ხელმძღვანელის განმარტებით, სკოლაში ყველა პედაგოგს უნდა ჰქონდეს შესაბამისი სტატუსი, ეს იქნება უფროსი მასწავლებელი, მენტორი თუ წამყვანი და ამისათვის თითოეულ პედაგოგს ეძლევა შესაბამისი დრო გამოცდის ჩასაბარებლად და კვალიფიკაციის ასამაღლებლად. იზოლდა ლომიძის განცხადებით, თუ ირმა ღარიშვილი თვლის რომ მისი გათავისუფლება მოხდა უკანონოდ, შეუძლია მიმართოს სასამართლოს. ხოლო, მოსწავლეების შემთხვევაში, თუ მათ მშობლები არ დააბრუნებენ საკლასო ოთახებში, რესურს ცენტრი შემდგომი რეაგირებისთვის საქმეში ჩართავს სოციალურ სამსახურსაც.
ამავე კატეგორიაში
16:51 / 25.04.2024
მიმდინარე წელს, ბორჯომის
მუნიციპალიტეტში, 13 მინი სპორტული მოედნის რეაბილიტაცია
განხორციელდება.
12:22 / 25.04.2024
შინაგან საქმეთა სამინისტროს
სტატისტიკის მიხედვით, წელს I კვარტალში, ლტოლვილის სტატუსი ჯამში 3
მოქალაქეს მიეცა. ამათგან, ორი ირანის მოქალაქეა, ხოლო ერთი
დაუდგენელი.
10:54 / 25.04.2024
გერმანიაში დაგეგმილი ევრო 2024-ის
მატჩებზე დამსწრეთა დიდი მოთხოვნის გამო, ავიაბილეთები აღარ არის -
ამის შესახებ „პალიტრანიუსისა“ და რადიო „პალიტრას“ გადაცემაში
„საქმე“
13:56 / 23.04.2024
ბიძინა ივანიშვილის ფონდი „ქართუ“
საფეხბურთო ნაკრებს 30 მილიონ ლარს ჰპირდება, თუ ის ევროპის
ჩემპიონატის ქვეჯგუფიდან გავა.
12:46 / 21.04.2024
„უცხოური გავლენის გამჭვირვალობის
შესახებ“ კანონპროექტის წინააღმდეგ პროტესტი გრძელდება.
როგორია ნატოში საქართველოს
გაწევრიანების პერსპექტივა? რა რეფორმებია ალიანსთან დასაახლოვებლად
გასატარებელი ქვეყანაში?
სატრანსპორტო გამოწვევები რეგიონში,
ეს არის საკითხი, რომელიც ქვეყნის არაერთ მუნიციპალიტეტში
დგას.
ცვლილებები შევიდა ბორჯომის 2024
წლის ჯანდაცვისა და სოციალურ პროგრამებში. 25-დან 11 პროგრამაში
სიახლეა, გაიზარდა ბიუჯეტი.
2024 წლის 26 ოქტომბერს საქართველოში
საპარლამენტო არჩევნები ჩატარდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.