ახალი ამბები
საქართველოში წლიური ინფლაცია 0% იყო
სტატისტიკის ეროვნულმა სამსახურმა
გამოაქვეყნა საქართველოში სამომხმარებლო ფასების ინდექსის დონე ანუ
ინფლაციის მაჩვენებელი.
2024 წლის იანვარში წლიური ინფლაცია 0% იყო. საქსტატის ინფორმაციით, იანვარში ფასები შემცირდა ყველაზე მსხვილ სამომხმარებლო ჯგუფზე, სურსათზე, ასევე გაიაფდა ჯანდაცვის სექტორში სხვადასხვა მომსახურება. იანვარში, 2023 წლის იანვართან შედარებით, ფასები მომატებულია ტრანსპორტის მომსახურებაზე, თამბაქოზე, ალკოჰოლურ სასმელებსა სხვა პროდუქტებზე.
იანვრის ინფლაციაზე ძირითადი გავლენა იქონია ფასების ცვლილებამ შემდეგ ჯგუფებზე:
ტრანსპორტის ჯგუფში ფასები 4.3%-ით არის გაზრდილი.
ფასი გაზრდილია სატრანსპორტო საშუალებების შეძენაზე (7.8%-ით), პირადი სატრანსპორტო საშუალებების ექსპლუატაციაზე (4.2%-ით) და სატრანსპორტო მომსახურებაზე (2.8%-ით).
ალკოჰოლური სასმელებისა და თამბაქოს ჯგუფში ფასი 3.5%-ით არის მომატებული. ფასი გაიზარდა როგორც თამბაქოს ნაწარმზე (4.8%), ისე ალკოჰოლურ სასმელებზე (2.8%).
იანვარში სურსათისა და უალკოჰოლო სასმელების ჯგუფში ფასები 2.4%-ით შემცირდა. ფასი შემცირებულია ზეთსა და ცხიმზე (15.9%), ბოსტნეულსა და ბაღჩეულზე (11.3%), პურსა და პურპროდუქტებზე (9%), რძეზე, ყველსა და კვერცხზე (4.1%).
თუმცა ფასები გაზრდილია ხილსა და ყურძენზე (19.7%), ხორცსა და ხორცის პროდუქტებზე (6.1%), მინერალურ, უალკოჰოლო სასმელებსა და ნატურალურ წვენებზე (2.9%). ფასმა ასევე მოიმატა შაქარზე, ჯემზე, ტკბილეულზე (2.7%), თევზეულზე (1.9%), ყავაზე, ჩაისა და კაკაოზე(1.3%).
ფასები 3.3%-ით შემცირდა ჯანმრთელობის დაცვის ჯგუფშიც. საქსტატის ინფორმაციით, ფასები შემცირდა სამედიცინო პროდუქციის, აპარატურისა და მოწყობილობის ქვეჯგუფზე (7.7%). თუმცა ფასები გაიზარდა ამბულატორიულ სამედიცინო მომსახურებასა (5.6%) და საავადმყოფოების მომსახურებაზე (3.9%).
ინფლაციას [სამომხმარებლო ფასების ინდექსს] სტატისტიკის ეროვნული სამსახური ყოველთვიურად სამომხმარებლო კალათის საფუძველზე ანგარიშობს.
სამომხმარებლო კალათა 300-ზე მეტ პროდუქტსა და მომსახურებას აერთიანებს და მოიცავს ქვეყნის მოსახლეობის მიერ შეძენილ ყველაზე ხშირად მოხმარებად საქონელსა და მომსახურებას, როგორებიცაა საკვები, ტექნიკა, ტანსაცმელი და სხვა. თითოეულ პროდუქციას საკუთარი წონა აქვს მინიჭებული და ზოგიერთ მათგანზე ფასის ცვლილებას უფრო მეტი გავლენა აქვს ინფლაციაზე, ვიდრე სხვებს. ფასების დონის ზრდის გარდა, ინფლაციას ასევე განმარტავენ, როგორც ფულის მსყიდველუნარიანობის შემცირებას.
ამიტომ ინფლაციის დაბალ ნიშნულზე შენარჩუნება, რაც რეალურად ფასების სტაბილურობას გულისხმობს, ეროვნული ბანკის მთავარი ამოცანაა. ინფლაციის დაბალ დონედ კი ცენტრალური ბანკი 3%-ს მიიჩნევს. ბოლო წლებში ინფლაციის ამ მაჩვენებლის შენარჩუნება ვერ ხერხდებოდა, 2022 წელს ქვეყანაში ფასების ორნიშნა ზრდაც კი იყო.
წყარო: რადიო თავისუფლება
2024 წლის იანვარში წლიური ინფლაცია 0% იყო. საქსტატის ინფორმაციით, იანვარში ფასები შემცირდა ყველაზე მსხვილ სამომხმარებლო ჯგუფზე, სურსათზე, ასევე გაიაფდა ჯანდაცვის სექტორში სხვადასხვა მომსახურება. იანვარში, 2023 წლის იანვართან შედარებით, ფასები მომატებულია ტრანსპორტის მომსახურებაზე, თამბაქოზე, ალკოჰოლურ სასმელებსა სხვა პროდუქტებზე.
იანვრის ინფლაციაზე ძირითადი გავლენა იქონია ფასების ცვლილებამ შემდეგ ჯგუფებზე:
ტრანსპორტის ჯგუფში ფასები 4.3%-ით არის გაზრდილი.
ფასი გაზრდილია სატრანსპორტო საშუალებების შეძენაზე (7.8%-ით), პირადი სატრანსპორტო საშუალებების ექსპლუატაციაზე (4.2%-ით) და სატრანსპორტო მომსახურებაზე (2.8%-ით).
ალკოჰოლური სასმელებისა და თამბაქოს ჯგუფში ფასი 3.5%-ით არის მომატებული. ფასი გაიზარდა როგორც თამბაქოს ნაწარმზე (4.8%), ისე ალკოჰოლურ სასმელებზე (2.8%).
იანვარში სურსათისა და უალკოჰოლო სასმელების ჯგუფში ფასები 2.4%-ით შემცირდა. ფასი შემცირებულია ზეთსა და ცხიმზე (15.9%), ბოსტნეულსა და ბაღჩეულზე (11.3%), პურსა და პურპროდუქტებზე (9%), რძეზე, ყველსა და კვერცხზე (4.1%).
თუმცა ფასები გაზრდილია ხილსა და ყურძენზე (19.7%), ხორცსა და ხორცის პროდუქტებზე (6.1%), მინერალურ, უალკოჰოლო სასმელებსა და ნატურალურ წვენებზე (2.9%). ფასმა ასევე მოიმატა შაქარზე, ჯემზე, ტკბილეულზე (2.7%), თევზეულზე (1.9%), ყავაზე, ჩაისა და კაკაოზე(1.3%).
ფასები 3.3%-ით შემცირდა ჯანმრთელობის დაცვის ჯგუფშიც. საქსტატის ინფორმაციით, ფასები შემცირდა სამედიცინო პროდუქციის, აპარატურისა და მოწყობილობის ქვეჯგუფზე (7.7%). თუმცა ფასები გაიზარდა ამბულატორიულ სამედიცინო მომსახურებასა (5.6%) და საავადმყოფოების მომსახურებაზე (3.9%).
ინფლაციას [სამომხმარებლო ფასების ინდექსს] სტატისტიკის ეროვნული სამსახური ყოველთვიურად სამომხმარებლო კალათის საფუძველზე ანგარიშობს.
სამომხმარებლო კალათა 300-ზე მეტ პროდუქტსა და მომსახურებას აერთიანებს და მოიცავს ქვეყნის მოსახლეობის მიერ შეძენილ ყველაზე ხშირად მოხმარებად საქონელსა და მომსახურებას, როგორებიცაა საკვები, ტექნიკა, ტანსაცმელი და სხვა. თითოეულ პროდუქციას საკუთარი წონა აქვს მინიჭებული და ზოგიერთ მათგანზე ფასის ცვლილებას უფრო მეტი გავლენა აქვს ინფლაციაზე, ვიდრე სხვებს. ფასების დონის ზრდის გარდა, ინფლაციას ასევე განმარტავენ, როგორც ფულის მსყიდველუნარიანობის შემცირებას.
ამიტომ ინფლაციის დაბალ ნიშნულზე შენარჩუნება, რაც რეალურად ფასების სტაბილურობას გულისხმობს, ეროვნული ბანკის მთავარი ამოცანაა. ინფლაციის დაბალ დონედ კი ცენტრალური ბანკი 3%-ს მიიჩნევს. ბოლო წლებში ინფლაციის ამ მაჩვენებლის შენარჩუნება ვერ ხერხდებოდა, 2022 წელს ქვეყანაში ფასების ორნიშნა ზრდაც კი იყო.
წყარო: რადიო თავისუფლება
ამავე კატეგორიაში
16:51 / 25.04.2024
მიმდინარე წელს, ბორჯომის
მუნიციპალიტეტში, 13 მინი სპორტული მოედნის რეაბილიტაცია
განხორციელდება.
12:22 / 25.04.2024
შინაგან საქმეთა სამინისტროს
სტატისტიკის მიხედვით, წელს I კვარტალში, ლტოლვილის სტატუსი ჯამში 3
მოქალაქეს მიეცა. ამათგან, ორი ირანის მოქალაქეა, ხოლო ერთი
დაუდგენელი.
10:54 / 25.04.2024
გერმანიაში დაგეგმილი ევრო 2024-ის
მატჩებზე დამსწრეთა დიდი მოთხოვნის გამო, ავიაბილეთები აღარ არის -
ამის შესახებ „პალიტრანიუსისა“ და რადიო „პალიტრას“ გადაცემაში
„საქმე“
13:56 / 23.04.2024
ბიძინა ივანიშვილის ფონდი „ქართუ“
საფეხბურთო ნაკრებს 30 მილიონ ლარს ჰპირდება, თუ ის ევროპის
ჩემპიონატის ქვეჯგუფიდან გავა.
11:00 / 22.04.2024
იანვარი-მარტის პერიოდში
ევროკავშირის ქვეყნებიდან და დიდი ბრიტანეთიდან საქართველოში 77,045
საერთაშორისო ვიზიტი შედგა - ზრდა 2019 წლის მონაცემებთან შედარებით
+44.4%-ია (+23,677 ვიზიტი),- ამის შესახებ ინფორმაციას ტურიზმის
ეროვნული ადმინისტრაცია ავრცელებს.
კვირის პოპულარული სიახლე
როგორია ნატოში საქართველოს
გაწევრიანების პერსპექტივა? რა რეფორმებია ალიანსთან დასაახლოვებლად
გასატარებელი ქვეყანაში?
სატრანსპორტო გამოწვევები რეგიონში,
ეს არის საკითხი, რომელიც ქვეყნის არაერთ მუნიციპალიტეტში
დგას.
ცვლილებები შევიდა ბორჯომის 2024
წლის ჯანდაცვისა და სოციალურ პროგრამებში. 25-დან 11 პროგრამაში
სიახლეა, გაიზარდა ბიუჯეტი.
2024 წლის 26 ოქტომბერს საქართველოში
საპარლამენტო არჩევნები ჩატარდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.