დაბა ბაკურიანისა და სოფელ დიდი მიტარბის მცხოვრებლები, მიწის ნაკვეთებზე საკუთრების აღიარებას დღეს იუსტიციის, ფინანსთა და ეკონომიკის სამინისტროებთან ითხოვენ.
საპროტესტო აქცია 13:00 საათზე დაიწყო. ბაკურიანისა და დიდი მიტარბის მცხოვრებლები და ამხანაგობა „ბაკურიანი–დიდი მიტარბის“ წევრები სამინისტროებთან დარჩენას საღამომდე აპირებენ.

„ეს მიწები ამ ხალხს 90–იან წლებში აქვთ შეძენილი. აღმოჩნდა რომ რაღაც ხარვეზებია საბუთებში და დარეგისტრირებას ვერ ახერხებენ, მარტო მე ათი კაცის სახლით უნდა ვისაუბრო აქციაზე, რახან ადგილობრივი თვითმმართველობა ჩვენს სატკივარს ერთ ყურში შეუშვებს და მეორედან გაუშვებს, ვიფიქრეთ იქნება უფრო მაღალ წრეებში არ მისდით ჩვენი ამბავი და ამიტომ გავმართავთ მშვიდობიან აქციებს. ვითხოვთ დოკუმენტებში ხარვეზების მოგვარებას და რა პრობლემებიცაა სახელმწიფო ორგანოებში და უწყებებში დაარეგულირონ სამართლებრივად და რამე მექანიზმი შეიმუშაონ“, – ამბობს ამხანაგობა „ბაკურიანი–დიდი მიტარბის“ თავმჯდომარე სვეტლანა თვაური.

მისივე თქმით, აქციებს რეგულარულად გააგრძელებენ. „ამას ექნება პერმანენტული ხასიათი. თუ საჭირო იქნება დიპლომატიურ კორპუსებთან, გაეროსაც მივაწვდენთ ხმას“.
აქციის მონაწილეებთან ერთად არის ბორჯომისა და ასპინძის მაჟორიტარი დეპუტატი, რომელმაც საპარლამენტო უმრავლესობა რამდენიმე თვის წინ დატოვა.
ბაკურიანისა და მიტარბის მცხოვრებლებმა აქცია ბორჯომის მერიასთანაც გამართეს


წყარო: sknews.ge