"ქალები ქალებისათვის" - სამცხე-ჯავახეთის მედია ცენტრი ახალ პროექტს იწყებს
17:23 / 15.08.2017
"ქალები ქალებისთვის" - ასე ჰქვია პროექტს, რომელსაც სამცხე-ჯავახეთის
მედია ცენტრი 2 სამიზნე რეგიონში: სამცხე-ჯავახეთსა და ქვემო ქართლში
განახორციელებს.
როგორ უნდა მოხდეს სოფლებში ქალთა საჭიროებების გამოკვეთა, ამ კუთხით
ქალთა სამოქალაქო საბჭოს წევრებს 4 დღიანი ტრენინგი ბორჯომში
ჩაუტარდათ. ტრენინგების შემდეგ, ბორჯომის, ახალციხის, ნინოწმინდისა და
მარნეულის სოფლებში მცხოვრებ ქალებთან ჩატარდება შეხვედრები,
მომზადდება სიუჟეტები და გაიმართება დისკუსიები პოლიტიკური პარტიების
წარმომადგენლების მონაწილეობით.
პროექტს, ა.ო. ”სამცხე-ჯავახეთის მედია ცენტრი”,
აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის
ფარგლებში, ამერიკის შეერთებული შტატების საერთაშორისო განვითარების
სააგენტოს (USAID) ფინანსური მხარდაჭერით ახორციელებს.