ტელეწამყვან მაია ასათიანის ქალიშვილი საფრანგეთში საავადმყოფოში გარდაიცვალა. ამის შესახებ "ფეისბუქზე" რუსთავი 2-ის გენერალური დირექტორი ნიკა გვარამია წერს.

"ამ ქვეყნად ყველაზე დიდი უსამართლობა ბავშვების სიკვდილია" - წერს ნიკა გვარამია, რომელმაც დღეს მაია ასათიანის მხარდამჭერი რამდენიმე პოსტი დაწერა ფეისბუქის გვერდზე. "ახლა ჩვენთვის რუსთავი ორელებისთვის მთავარი გასაჭირი მაიკო ასათიანის გასაჭირია! ყველა შენს გვერდით ვართ! გვიყვარხარ და ყველაფერს გავაკეთებთ შენი ნუცას გადასარჩენად!- წერდა "რუსთავი 2"-ის გენერალური დირექტორი ფეისბუქის პირად გვერდზე.

როგორც ცნობილია, ტელეწამყვანის ერთადერთი ქალიშვილი მენინგოკოკურ ინფექციას ემსხვერპლა. 18 წლის ნუცა მახვილაძე კლინიკაში გუშინ მოათავსეს. მაია ასათიანის შვილი საფრანგეთში სასწავლებლად იმყოფებოდა.