NDI-მ საზოგადოებრივი აზრის კვლევის შედეგები გამოაქვეყნა
16:28 / 16.01.2017
როგორია საზოგადოების დამოკიდებულება
ქვეყნის განვითარების კურსთან, საგარეო პოლიტიკასთან,
თვითმმართველობასთან და ქალების პოლიტიკურ ჩართულობასთან
დაკავშირებით.
საზოგადოებრივი აზრის კვლევა ძირითადად ამ ოთხი
მიმართულებით იძლევა შედეგების შეფასების შესაძლებლობას.
კვლევის თანახმად, გამოკითხულთა 58
%-სთვის ყველაზე მნიშვნელოვანი ეროვნული საკითხი კვლავ სამუშაო
ადგილებია.კითხვაზე: რომელი
ეროვნული საკითხია თქვენთვის ან თქვენი ოჯახისთვის ყველაზე
მნიშვნელოვანი, გამოკითხულთა უმრავლესობა ფასების ზრდას და ინფლაციას,
სიღარიბეს, ტერიტორიული მთლიანობას და პენსიებსაც ასახელებს.
გამოკითხულთა 36% მიიჩნევს,
რომ საქართველო განვითარების მხრივ საერთოდ არ იცვლება. 32%
მიიჩნევს, რომ ქვეყანა სწორი მიმართულებით ვითარდება. 27% კი ფიქრობს,
რომ ქვეყანა არასწორი მიმართულებით ვითარდება
როგორი გავლენა ექნებოდა
საქართველოზე პარლამენტის წევრი ქალების რაოდენობის გაზრდას? ამ
კითხვაზე 56% დადებითად პასუხობს, 8% - უარყოფითად.
NDI-ს კვლევის საველე სამუშაოები 4 ნოემბრიდან 4 დეკემბრის პერიოდში
ჩატარდა და მის ფარგლებში საქართველოს მასშტაბით (ოკუპირებული
ტერიტორიების გამოკლებით), 3 141 პირი პირისპირ ინტერვიუს პრინციპით
გამოიკითხა. როგორც ორგანიზაციაში აცხადებენ, კვლევის შედეგების
საშუალო ცდომილების ზღვარი +/-1,8%-ია. NDI-ის კვლევებს აფინანსებს
შვედეთის საერთაშორისო განვითარების და თანამშრომლობის სააგენტო
(SIDA) და ატარებს CRRC საქართველო.