ბორჯომში ავტოსაგზაო შემთხვევის შედეგად ოთხი მანქანა დაზიანდა
13:04 / 24.10.2017
ავტოსაგზაო შემთხვევა დღეს ბორჯომში, ვაშლოვანის დასახლებაში მოხდა.
ერთმანეთს საპირისპირო მიმართულებით მოძრავი მსუბუქი და სატვირთო
ავტომობილები შეეჯახნენ.
დაზიანდა მიმდებარე ტერიტორიაზე გაჩერებული ორი მანქანაც. შემთხვევას
მსხვერპლი არ მოჰყოლია. მომხდარის გამო ბორჯომი-თბილისის ცენტრალურ
მაგისტრალზე საავტომობილო მოძრაობა დროებით შეზღუდული იყო. ადგილზე
ექსპერტ-კრიმინალისტები მუშაობდნენ. საქმეზე გამოძიება სსკ-ის 276-ე
მუხლის პირველი ნაწილით დაიწყო.