შსს-მ დიდი ოდენობით ნარკოტიკი ამოიღო - დაკავებულია ისრაელის რესპუბლიკის მოქალაქე
11:31 / 11.01.2017
დაკავებულია 1973 წელს დაბადებული, ისრაელის რესპუბლიკის მოქალაქე.
სამართალდამცველებმა, დაკავებულის
პირადი ჩხრეკისას, ბუპრენორფინის შემცველი ნარკოტიკული საშუალების 104
აბი ამოიღეს.შსს-ს ცენტრალური კრიმინალური პოლიციის
დეპარტამენტის ნარკოტიკების უკანონო ბრუნვის წინააღმდეგ ბრძოლის
მთავარი სამმართველოს თანამშრომლებმა, ჩატარებული ოპერატიულ-სამძებრო
ღონისძიებების შედეგად, განსაკუთრებით დიდი ოდენობით ნარკოტიკული
საშუალების უკანონო შეძენა-შენახვის ბრალდებით მ.ც. დააკავეს.
სამართალდამცველებმა, დაკავებულის პირადი ჩხრეკისას, ბუპრენორფინის
შემცველი ნარკოტიკული საშუალების 104 აბი ამოიღეს.
ნარკოლოგიური შემოწმების შედეგად, მ.ც.-ს მარიხუანის და ბუპრენორფინის
მოხმარების ფაქტი დაუდგინდა.
გამოძიება განსაკუთრებით დიდი ოდენობით ნარკოტიკული საშუალების
უკანონო შეძენა-შენახვის ფაქტზე მიმდინარეობს (საქართველოს სსკ-ს
260-ე მუხლის მე-6 ნაწილის "ა" ქვეპუნქტით).