ბორჯომში, ნახანძრალი ტყის მდგომარეობას რეგიონული მედიის
ჟურნალისტები გაეცნენ. დაბაში დღეს მედიატური მოეწყო.
არსებული ვითარება მათ ადგილზე ნახეს, რის შემდგომაც თავიანთ მედია
საშუალებებში მასალებს მოამზადებენ. ტურს ორგანიზება კავკასიის
გარემოსდაცვითმა არასამთავრობო ორგანიზაცია CENN-მა გაუწია.
შეგახსენებთ, დაბაში ომის დროს გადამწვარ ტყეში ხანძარი 20 აგვისტოს
გაჩნდა. ხანძრის ლოკალიზებას უკვე მე-6 დღეა, ქართული და მეზობელი
ქვეყნების ვერტმფრენები, სახანძრო სამსახურის ეკიპაჟები, სამხედროები,
აზერბაიჯანელი და სომეხი მეხანძრე-მაშველები, ადგილობრივები,
მოხალისეები ერთობლივად ცდილობენ. ხანძრის სრული ლიკვიდაცია ჯერ არ
მომხდარა. წინასწარი ინფორმაციით, ამ დროისთვის დამწვარია 100
ჰექტარზე მეტი ტყის ფართობი.