ახალი ამბები
„ქართუ“ საფეხბურთო ნაკრებს ჯილდოს სახით 30 მილიონს ჰპირდება ქვეჯგუფიდან გასვლის შემთხვევაში
13:56 / 23.04.2024
ბიძინა ივანიშვილის ფონდი „ქართუ“
საფეხბურთო ნაკრებს 30 მილიონ ლარს ჰპირდება, თუ ის ევროპის
ჩემპიონატის ქვეჯგუფიდან გავა.
ფონდის განცხადებას საზოგადოებრივი
მაუწყებელი ავრცელებს.
„ევროპის ჩემპიონატის ქვეჯგუფიდან გასვლისთვის ფონდი „ქართუ“ საფეხბურთო ნაკრებს ჯილდოს სახით 30 მილიონ ლარს გადასცემს. ამასთანავე, ქვეჯგუფიდან გასვლის შემდეგ, ყოველი შემდეგი მატჩის მოგებისთვის ფონდი „ქართუ“ ეროვნულ ნაკრებს დამატებით 30 მილიონი ლარით დააჯილდოებს“, - წერია განცხადებაში.
ამ დაპირებას წინ უსწრებდა ისტორიაში პირველად საქართველოს ნაკრების გასვლა ევროპის ჩემპიონატზე. ამ გამარჯვებიდან რამდენიმე დღეში კი მმართველმა პარტიამ პარლამენტში ხელახლა დააინიციირა ე.წ. აგენტების კანონი, რომელსაც საქართველოს მოქალაქეები და საერთაშორისო პარტნიორები ქვეყნის ევროინტეგრაციის ხელშემშლელ ფაქტორად მიიჩნევენ.
17 აპრილს, როცა ამ კანონპროექტს პარლამენტი კენჭს უყრიდა, ნაკრების ფეხბურთელებმა ერთმანეთის მიყოლებით გამოაქვეყნეს განცხადებები ქვეყნის ევროინტეგრაციასთან დაკავშირებით.
„საქართველოს გზა ევროპაშია. ევროპული გზა გვაერთიანებს! წინ ევროპისკენ! მშვიდობა საქართველოს“, - წერდა ხვიჩა კვარაცხელია;
„არა რუსეთს! საქართველოს გზა ევროპაშია! პ.ს მადლობა არავინ გადამიხადოს რადგან იმას ვამბობ რაც ყველა ქართველმა უნდა თქვას!, - წერდა ბუდუ ზივზივაძე.
„ევროპის ჩემპიონატის ქვეჯგუფიდან გასვლისთვის ფონდი „ქართუ“ საფეხბურთო ნაკრებს ჯილდოს სახით 30 მილიონ ლარს გადასცემს. ამასთანავე, ქვეჯგუფიდან გასვლის შემდეგ, ყოველი შემდეგი მატჩის მოგებისთვის ფონდი „ქართუ“ ეროვნულ ნაკრებს დამატებით 30 მილიონი ლარით დააჯილდოებს“, - წერია განცხადებაში.
ამ დაპირებას წინ უსწრებდა ისტორიაში პირველად საქართველოს ნაკრების გასვლა ევროპის ჩემპიონატზე. ამ გამარჯვებიდან რამდენიმე დღეში კი მმართველმა პარტიამ პარლამენტში ხელახლა დააინიციირა ე.წ. აგენტების კანონი, რომელსაც საქართველოს მოქალაქეები და საერთაშორისო პარტნიორები ქვეყნის ევროინტეგრაციის ხელშემშლელ ფაქტორად მიიჩნევენ.
17 აპრილს, როცა ამ კანონპროექტს პარლამენტი კენჭს უყრიდა, ნაკრების ფეხბურთელებმა ერთმანეთის მიყოლებით გამოაქვეყნეს განცხადებები ქვეყნის ევროინტეგრაციასთან დაკავშირებით.
„საქართველოს გზა ევროპაშია. ევროპული გზა გვაერთიანებს! წინ ევროპისკენ! მშვიდობა საქართველოს“, - წერდა ხვიჩა კვარაცხელია;
„არა რუსეთს! საქართველოს გზა ევროპაშია! პ.ს მადლობა არავინ გადამიხადოს რადგან იმას ვამბობ რაც ყველა ქართველმა უნდა თქვას!, - წერდა ბუდუ ზივზივაძე.